Almatyda qolynda smartfon ustap, avtobýs rólin shyntaǵymen basqarǵan jaýapqa tartyldy. Bul týraly Almaty qalalyq politsiia departamenti bastyǵynyń orynbasary Rýstam Abdrahmanov Facebook-ke jazdy, dep habarlaidy QazAqparat.
Kýágerler videony 16 aqpan kúni túsirip, áleýmettik jelige salǵan. Video astyna jeli qoldanýshylary Rýstam Abdrahmanovty belgilegen bolatyn.
Osyǵan orai, Almaty qalalyq politsiia departamentiniń patrýldik politsiia polkiniń qyzmetkerlerine tekserý júrgizý tapsyrylǵan edi.
«Quqyqbuzýshy anyqtaldy. Ol 1987 jyly týǵan Ý. esimdi azamat bolyp shyqty. Ol ÁQBt QRK-niń 591-babynyń 1-bóligimen ákimshilik quqyq buzýshylyq jasaǵany úshin jaýapqa tartyldy. 3 naýryzda júrgizýshige hattama toltyryldy», - dep jazdy Rýstam Abdrahmanov.
Ol sondai-aq jol boiynda mundai áreketke jol berilmeitinin eske saldy.
