Sulýlyq salonynda shash boiatamyn dep basyn kúidirgen áiel sot arqyly moraldyq shyǵyn óndirip aldy, dep habarlaidy "Ult aqparat".
Is materialdaryna sáikes, kelinshek shashyn sarǵaitpaq bolyp sulýlyq salonyna kelgen. Alaida, shashtarazdardyń epsizdiginen basynyń terisi kúiip qalǵan.
«Sot meditsinalyq saraptama nátijesinde klienttiń densaýlyǵyna jeńil zaqym kelgeni anyqtaldy. 5 aiǵa sozylǵan emdeý kýrsyna 600 myń teńge qarajat jumsalǵan. Daýdy sotqa jetkizbei sheshý múmkin bolmaǵandyqtan, áiel sotqa júgingen», - dedi Almaty qalalyq sotynyń baspasóz qyzmetinen.
Aýdandyq sot sheshimimen áieldiń shaǵymy jartylai qanaǵattandyryldy. Sulýlyq salonynan 600 myń teńge meditsinalyq shyǵynǵa, 50 myń teńge moraldyq ótemaqy retinde óndirildi.
Apelliatsiialyq sot instantsiiasy jaýapkerdiń qarsy shaǵymyn nazarǵa almai, sot úkimin ózgerissiz qaldyrdy.
«Tutynýshynyń quqyǵy qorǵaldy. Sulýlyq salonynyń basshylyǵy qyzmetkerleriniń biliktiligin arttyrady dep oilaimyz», - delingen sottyń habarlamasynda.
