سۇلۋلىق سالونىندا شاش بوياتامىن دەپ باسىن كٷيدٸرگەن ەيەل سوت ارقىلى مورالدىق شىعىن ٶندٸرٸپ الدى, دەپ حابارلايدى "ۇلت اقپارات".
ٸس ماتەريالدارىنا سەيكەس, كەلٸنشەك شاشىن سارعايتپاق بولىپ سۇلۋلىق سالونىنا كەلگەن. الايدا, شاشتارازداردىڭ ەپسٸزدٸگٸنەن باسىنىڭ تەرٸسٸ كٷيٸپ قالعان.
«سوت مەديتسينالىق ساراپتاما نەتيجەسٸندە كليەنتتٸڭ دەنساۋلىعىنا جەڭٸل زاقىم كەلگەنٸ انىقتالدى. 5 ايعا سوزىلعان ەمدەۋ كۋرسىنا 600 مىڭ تەڭگە قاراجات جۇمسالعان. داۋدى سوتقا جەتكٸزبەي شەشۋ مٷمكٸن بولماعاندىقتان, ەيەل سوتقا جٷگٸنگەن», - دەدٸ الماتى قالالىق سوتىنىڭ باسپاسٶز قىزمەتٸنەن.
اۋداندىق سوت شەشٸمٸمەن ەيەلدٸڭ شاعىمى جارتىلاي قاناعاتتاندىرىلدى. سۇلۋلىق سالونىنان 600 مىڭ تەڭگە مەديتسينالىق شىعىنعا, 50 مىڭ تەڭگە مورالدىق ٶتەماقى رەتٸندە ٶندٸرٸلدٸ.
اپەللياتسييالىق سوت ينستانتسيياسى جاۋاپكەردٸڭ قارسى شاعىمىن نازارعا الماي, سوت ٷكٸمٸن ٶزگەرٸسسٸز قالدىردى.
«تۇتىنۋشىنىڭ قۇقىعى قورعالدى. سۇلۋلىق سالونىنىڭ باسشىلىعى قىزمەتكەرلەرٸنٸڭ بٸلٸكتٸلٸگٸن ارتتىرادى دەپ ويلايمىز», - دەلٸنگەن سوتتىڭ حابارلاماسىندا.
