Almatyda kompozitor Shámshi Qaldaiaqovtyń eskertkishi ashyldy, dep habarlaidy "Ult aqparat".
Eskertkish Respýblika saraiynyń soltústik jaǵynda qoiyldy.
«Shámshi aǵamyz óziniń ánderin jastarǵa da, jastardyń mahhabatyna da, dýmanǵa da, el abyroiyn asqaqtatatyn jaǵyna da baǵyshtaǵan. Ol ánderimen ár shańyraqty terbetip qoiǵan joq. Búkil qazaq jerin terbetti. El táýelsizdik alǵan soń halyq ártisi ataǵyn aldy. Al biraq halqy onyń ataǵyn odan áldeqaida buryn bergen. «Qazaq valsiniń koroli» degen. Ondai ataqqa jetetin ataq joq. Bul – eldiń, halyqtyń súispenshiligi», - dedi qala ákimi Baqytjan Saǵyntaev.
Eskertkishtiń ashylýyna óner salasyndaǵy azamattar, ónersúier qaýym, qalanyń ziialy qaýym ókilderi, kompozitordyń jubaiy Jámila Qaldaiaqova jáne urpaqtary keldi.
«Búgin sondai qutty kún. Kelip, bas iip quttyqtap kelgenderińizge rahmet. Shámshi Qaldaiaqov halyqtyń súigen kompozitory, baqytty jan. Maǵan «Jámila, men óte baqytty adammyn, meni halyq jaqsy kóredi, barǵan jerimde qurmetteidi» dep aitatyn», - dedi Jámila Qaldaiaqova.
