Foto: Gov.kz
2025 jylǵy 3 qazanda Almaty mýzeiinde Belgrad mýzeiiniń «Serb áieli: ǵasyrlar toǵysynda» atty kórmeniń saltanatty ashylý rásimi ótti, dep habarlaidy Ult.kz.
Kórme qazirgi qoǵamdaǵy áielder róline arnalǵan.
Is-sharaǵa Qazaqstan Respýblikasynyń Mádeniet jáne aqparat ministri Aida Balaeva jáne Serbiianyń birinshi hanymy Tamara Výchich qatysty.
Kórme qonaqtardy Serbiianyń bai tarihi-mádeni murasymen tanystyrady. Almaty mýzeiiniń galereiasynda arheologiialyq jádigerler kollektsiiasy, serb halqynyń sándik-qoldanbaly óner buiymdary, XIX ǵasyrdaǵy kórnekti serb áielderiniń portretteri qoiyldy.
Qonaqtar serb áiel sýretshisiniń, ǵalymdarynyń, batyrlarynyń, sportshylarynyń jáne qoǵam qairatkerleriniń jetistikterimen tanysa alady. Usynylǵan eńbekter kórermenge serb tarihy men mádenietinde áieldiń ómiri men qoǵamdaǵy orny qalai ózgergenin kórýge múmkindik beredi.
Is-sharanyń ashylýynda Aida Balaeva kórmeniń elder men halyqtar arasyndaǵy mádeni yntymaqtastyq pen dostyqty nyǵaitýdyń jarqyn úlgisi ekenin atap ótti.
«Búginde Serbiia men Qazaqstan arasyndaǵy bailanystar resmi kelisimdermen ǵana shektelmeidi. Olar mádeniet, bilim jáne óner salalaryndaǵy birlesken jarqyn jobalar arqyly jalǵasýda. Sońǵy jyldary mádeni-gýmanitarlyq saladaǵy yntymaqtastyq airyqsha belsendi bola tústi. Bul – eki el arasyndaǵy ózara qurmet pen dostyqtyń aiqyn belgisi», – dedi Aida Balaeva.
«Serb áieli: ǵasyrlar toǵysynda» halyqaralyq jobasy Almaty men Belgrad mýzeileri arasyndaǵy yntymaqtastyq aiasynda júzege asyryldy. Joba – 2024 jylǵy jeltoqsanda uiymdastyrylǵan mádeni almasý bastamasynyń jalǵasy. Sol kezde Almaty qalasy mýzeii qorynan alynǵan jádigerler Serbiianyń Belgrad qalasyndaǵy Kniaginia Liýbitsa saraiynda serb jurtshylyǵyna usynyldy.
Kórme 2025 jylǵy 15 qarashaǵa deiin jalǵasady.
