فوتو: Gov.kz
2025 جىلعى 3 قازاندا الماتى مۋزەيٸندە بەلگراد مۋزەيٸنٸڭ «سەرب ەيەلٸ: عاسىرلار توعىسىندا» اتتى كٶرمەنٸڭ سالتاناتتى اشىلۋ رەسٸمٸ ٶتتٸ, دەپ حابارلايدى Ult.kz.
كٶرمە قازٸرگٸ قوعامداعى ەيەلدەر رٶلٸنە ارنالعان.
ٸس-شاراعا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا جەنە سەربييانىڭ بٸرٸنشٸ حانىمى تامارا ۆۋچيچ قاتىستى.
كٶرمە قوناقتاردى سەربييانىڭ باي تاريحي-مەدەني مۇراسىمەن تانىستىرادى. الماتى مۋزەيٸنٸڭ گالەرەياسىندا ارحەولوگييالىق جەدٸگەرلەر كوللەكتسيياسى, سەرب حالقىنىڭ سەندٸك-قولدانبالى ٶنەر بۇيىمدارى, XIX عاسىرداعى كٶرنەكتٸ سەرب ەيەلدەرٸنٸڭ پورترەتتەرٸ قويىلدى.
قوناقتار سەرب ەيەل سۋرەتشٸسٸنٸڭ, عالىمدارىنىڭ, باتىرلارىنىڭ, سپورتشىلارىنىڭ جەنە قوعام قايراتكەرلەرٸنٸڭ جەتٸستٸكتەرٸمەن تانىسا الادى. ۇسىنىلعان ەڭبەكتەر كٶرەرمەنگە سەرب تاريحى مەن مەدەنيەتٸندە ەيەلدٸڭ ٶمٸرٸ مەن قوعامداعى ورنى قالاي ٶزگەرگەنٸن كٶرۋگە مٷمكٸندٸك بەرەدٸ.
ٸس-شارانىڭ اشىلۋىندا ايدا بالاەۆا كٶرمەنٸڭ ەلدەر مەن حالىقتار اراسىنداعى مەدەني ىنتىماقتاستىق پەن دوستىقتى نىعايتۋدىڭ جارقىن ٷلگٸسٸ ەكەنٸن اتاپ ٶتتٸ.
«بٷگٸندە سەربييا مەن قازاقستان اراسىنداعى بايلانىستار رەسمي كەلٸسٸمدەرمەن عانا شەكتەلمەيدٸ. ولار مەدەنيەت, بٸلٸم جەنە ٶنەر سالالارىنداعى بٸرلەسكەن جارقىن جوبالار ارقىلى جالعاسۋدا. سوڭعى جىلدارى مەدەني-گۋمانيتارلىق سالاداعى ىنتىماقتاستىق ايرىقشا بەلسەندٸ بولا تٷستٸ. بۇل – ەكٸ ەل اراسىنداعى ٶزارا قۇرمەت پەن دوستىقتىڭ ايقىن بەلگٸسٸ», – دەدٸ ايدا بالاەۆا.
«سەرب ەيەلٸ: عاسىرلار توعىسىندا» حالىقارالىق جوباسى الماتى مەن بەلگراد مۋزەيلەرٸ اراسىنداعى ىنتىماقتاستىق اياسىندا جٷزەگە اسىرىلدى. جوبا – 2024 جىلعى جەلتوقساندا ۇيىمداستىرىلعان مەدەني الماسۋ باستاماسىنىڭ جالعاسى. سول كەزدە الماتى قالاسى مۋزەيٸ قورىنان الىنعان جەدٸگەرلەر سەربييانىڭ بەلگراد قالاسىنداعى كنياگينيا ليۋبيتسا سارايىندا سەرب جۇرتشىلىعىنا ۇسىنىلدى.
كٶرمە 2025 جىلعى 15 قاراشاعا دەيٸن جالعاسادى.
