Almatyda jaqynda ornatylǵan «4 tonna qum» art-installiatsiiasy alynyp tastaldy, dep habarlaidy "Ult aqparat".
Sekseýildi qorǵaýǵa shaqyratyn «4 tonna qum» art-qondyrǵysy Almatynyń Qurmanǵazy jáne Baiseiitova kósheleriniń qiylysyndaǵy saiabaqta 9 qazan kúni ornatylǵan bolatyn.
«Bul ýaqytsha qoiylǵan installiatsiia edi. Qazir qondyrǵy Ile Alataýy ulttyq parkinde. Biz ony kelesi jyly aktsiia aiasynda Tarazda nemese Shymkentte ornatýdy josparlap otyrmyz», - dep túsindirdi BUUDB.
Atalmysh art-nysannyń ashylý rásiminde QR Ekologiia, geologiia jáne tabiǵi resýrstar vitse-ministri Erlan Nysanbaev, «osyndai installiatsiia arqyly biz kórneki túrde sekseýildi shabýdyń nátijesinde shóleittenýdiń qandai saldary bolatynyn kórsetkimiz keldi», - dep atap ótken bolatyn.
Art-nysanda qummen kómkerilgen úidi kórýge bolatyn. Qum Almaty qalasynan 160 shaqyrym jerdegi Baqbaqty aýylynan jetkizilgen. «4 tonna qum» art-jobasy ekologiialyq mádeniet deńgeiin arttyrýǵa, ósimdikterdiń biregei túrlerine qamqorlyq tanytýǵa baǵyttalǵan. Sondai-aq, sekseýildi saqtaýdyń mańyzdylyǵyn uǵyndyrýǵa jáne ony otyn retinde paidalanýdan bas tartýǵa shaqyrdy.
