Almatyda Sairan kólinen qaýipti bakteriialardyń tabylýyna bailanysty sýǵa túsýge tyiym salyndy, dep habarlaidy "Ult aqparat".
Bul týraly Almaly men Áýezov aýdandarynyń áleýmettik jelidegi paraqshalarynda jariialandy.
«Qurmetti turǵyndar! Sairan kóliniń shyǵys jaǵalaýy jabylatynyn habarlaimyz. Sebebi, «Ulttyq saraptama ortalyǵy» RKK adam aǵzasyna qaýipti mikroogranizmderdiń baryn anyqtady. 25 maýsymnan bastap Sairan kóliniń shyǵys jaǵalaýynda sýǵa túsýge tyiym salynady», - dedi Almaly aýdandyq ákimdiginen.
Sonymen qatar, kóldiń batys jaǵalaýynda da osy bakteriialardyń tabylýyna bailanysty Áýezov aýdanynda da sýǵa túsýge tyiym salyndy.
