Almatyda "Máskeý" saýda jáne oiyn-saýyq ortalyǵyna bir aida tórtinshi ret "mina qoiyldy" degen habar tústi, - dep habarlaidy Tengrinews.kz agenttigi.
Politsiia málimetinshe, bul joly bomba týraly habarlama 7 shildede, shamamen 12.12-de túsken.
"Mundai habarlamalarǵa alǵashqy jaýap berý algoritmi aiasynda birinshi kezekte ortalyqqa kelýshiler men qyzmetkerler evakýatsiialandy. Jol-patrýldik politsiia jasaqtary osy nysanǵa jaqyn joldy kólikterden tazartty. Tekserý sharalarynyń nátijesinde mina týraly aqparat jalǵan bolyp shyqty.
Turǵyndardy úreilenbeýge, tynyshtyq saqtaýǵa jáne qalada qaýipsizdikti qamtamasyz etý boiynsha júrgizilip jatqan is-sharalarǵa túsinikpen qaraýǵa shaqyramyz", - dep habarlady Politsiia departamentiniń baspasóz qyzmetindegiler.
