Almatyda robototehnika salasyndaǵy álemdik kóshbasshylardyń biri UBTECH Robotics kompaniiasynyń sheteldegi alǵashqy zaýyty boi kóteredi, dep habarlaidy ult.kz.
Shanhaida Qazaqstan Prezidenti Qasym-Jomart Toqaevtyń qatysýymen ótken biznes-forým aiasynda Almaty ákimdigi, Nero Robotics kompaniiasy jáne UBTECH Robotics kompaniiasynyń negizin qalaýshy Chjoý Tszian arasynda qalada gýmanoidty jáne bilim berý robottaryn shyǵaratyn zaýyt salý týraly kelisimge qol qoiyldy.
Almaty kompaniianyń óndirisin iske qosatyn alǵashqy sheteldik qala atandy. Qazirgi ýaqytta zaýyttyń qurylysy bastalyp, óndiristi 2027 jyldyń birinshi toqsanynda iske qosý josparlanyp otyr.
Joba aiasynda robot óndirisimen qatar injenerlik-zertteý ortalyǵy qurylyp, zamanaýi tehnologiia engiziledi. Sondai-aq, qazaqstandyq mamandardy robototehnika salasynda daiarlaý kózdelgen.
