Almatyda «ramadan 2022.kz» arnaiy mobildi saity iske qosyldy. Onda Orazaǵa qatysty barlyq málimetterdi alýǵa bolady. Bul týraly brifing barysynda Almaty qalasynyń bas imamy Tólebi Ospan aitty, dep habarlaidy QazAqparat.
«Almaty ókildigine qarasty «azan.kz» saityna bir kúnde 20 myńnan astam oqyrman kiredi. Al Ramazan aiynda Orazaǵa qatysty málimet izdeýshiler sany bir táýlikte 50 myńnan asyp jyǵylady. Saitqa bir mezette kirýshilerdiń kóp bolýynan sait jumysy toqtap qalatyn kezder de bolady. Sol sebepti «azan.kz/kz/ramadan» paraqshasyn qazaq-orys tilderinde qosymsha usynyp otyrmyz. Odan bólek jańadan «ramadan2022.kz» mobildi saity da iske qosyldy. Bul saitta Orazaǵa qatysty málimetter men qatar Almaty ortalyq meshitte aitylatyn ýaǵyz kestesi, taraýyq namazynda quran hatym túsiriletin meshitter, halal sertifikatyn alǵan meiramhanalar tizimi taǵy basqa da aqparattar engizilgen», - dedi spiker.
Ramazan aiy men dinge qatysty máseleler boiynsha Qazaqstan musylmandarynyń Dini basqarmasy janyndaǵy Dini aqparat ortalyǵynan da keńes alýǵa bolady.
Ortalyqtyń telefon nómiri: 8 (7172) 33-30-30. Bas imam Almaty Ortalyq meshitiniń telefon nómirlerin de berdi: 8 (727) 329 09 66, 8 700 719 76 22.
