Almatyda Raisa Muhamediiarovany aqtyq saparǵa shyǵaryp salý rásimi ótti, dep habarlaidy "Ult aqparat".
Qaraly jiyn Almatydaǵy Ǵ. Músirepov atyndaǵy qazaq balalar jáne jasóspirimder akademiialyq teatrynda ótti. Ártisti aqyrǵy saparǵa shyǵaryp salýǵa teatr jáne kino ártisteri, ziialy qaýym ókilderi, qala halqy, ónersúier qaýym qatysty. Jinalǵandarǵa Nur-Sultan qalasynan arnaiy kelgen qoǵam qairatkeri Mádi Artyǵaliev QR Prezidenti Qasym-Jomart Toqaevtyń kóńil aitý jedelhatyn oqyp berdi.
«Belgili mádeniet qairatkeri, teatr jáne kino ártisi Raisa Muhamediiarovanyń dúnieden ótýine bailanysty aýyr qaiǵylaryńyzǵa ortaqtasyp kóńil aitamyn. Raisa Májitqyzy uzaq jyldar boiy teatrda óner kórsetip, keiipkerlerdi asqan sheberlikpen sahnaǵa shyǵara bilip, kórermen qaýymnyń ystyq yqylasyna bólendi. Sondai-aq kórkem filmderge túsip, kóptegen basty rólderdi somdady. Onyń esimi men jarqyn beinesi óner súier qaýymnyń júreginde máńgi saqtalady», - delingen Prezidenttiń jedelhattynda.
Sonymen qatar, QR Parlamenti Senatynyń tóraǵasy Dariǵa Nazarbaeva, QR Mádeniet jáne sport ministri Aqtoty Raiymqulova, Almaty qalasynyń ákimi Baqytjan Saǵyntaev jáne Nur-Sultan qalasynyń ákimi Altai Kólginov kóńil aitý jedel hatyn joldady.
Qaraly jiynda, óner adamdary marqumnyń óneri men ómiri týraly aityp, eske aldy.
«Teatr jáne kino álemi taǵy bir shoqtyǵy biik juldyzynan airyldy. Búgin Raisa Muhamediarovany aqtyq saparǵa shyǵaryp salyp turmyz. Raisa apamyz qazaqtyń kinosy men teatrynda «sulýlyqtyń simovoly» bolatyn. Sahnadaǵy erekshe obrazdarymen este qaldy. Kino salasynda da ózindik orny bar aktrisa edi. Kinodaǵy árbir beinesi kórermeniń esinde máńgi saqtalady. Biz siiaqty jastar sol kisilerdiń oinaǵan kinosyn kórip eseidik, eliktedik, bala keiipimizben ǵashyq boldyq. Búgin, mine, máńgilik mekenine shyǵaryp salyp jatyrmyz», - dedi qaraly jiynda Ǵ. Músirepov atyndaǵy qazaq balalar jáne jasóspirimder akademiialyq teatrynyń direktory Azamat Satybaldy.
Raisa Muhamediiarova 1963 jyly rejisser Sultan Qojyqovtyń qazaq kinosynyń altyn qorynan oryn alǵan «Meniń atym - Qoja» filminde ustaz Maiqanovanyń rólimen halyqqa keńinen tanyldy. 30-ǵa jýyq filmge túsken.
Aita keteiik, 1964 jyly Raisa Muhamediiarova jazýshy Ǵabit Músirepovke turmysqa shyǵyp, 8 jyl nekede bolǵan. Aktrisa 80 jasynda dúnieden ozdy.
