Foto:instagram.com/qnet_kazakhstan
Almatyda Qnet qarjy piramidasyn basqarý deregi boiynsha kúdikti ustaldy, - dep habarlaidy "Ult aqparat" Qarjy monitoringi agenttiginiń baspasóz qyzmetine silteme jasap.
QMA Almaty qalasy boiynsha departamenti qalalyq prokýratýramen birlesip, ońtústik megapolis aýmaǵynda "Qnet" qarjy piramidasyn basqarý faktisi boiynsha kúdiktini ustaǵan. Ol azamattardan aqsha jinap, bireýiniń jarnalarynyń esebinen basqa qatysýshylardy baiytý maqsatynda qaita bólgen.
Aita ketý kerek, "Qnet" qyzmeti jelilik marketing jáne elektrondyq kommertsiia túrinde jasyrylǵan. Birqatar shet elderde "Qnet" kompaniiasy qarjy piramidasy bolyp tanyldy. Sondai-aq, ony QR Qarjy naryǵyn retteý jáne damytý agenttigi qarjy piramidasynyń belgileri bar kompaniialar tizimine engizdi.
"Almaty qalasynyń mamandandyrylǵan tergeý soty kúdiktige qatysty 2 aiǵa "qamaýda ustaý" túrindegi bultartpaý sharasyna sanktsiia berdi.
QR QPK-niń 201-babyna sáikes ózge de aqparat jariia etýge jatpaidy" - delingen habarlamada.
Esterińizge sala keteiik, buǵan deiin elordada osyndai qarjy piramidasyn qurý jáne basqarý faktisi boiynsha kúdikti ustalǵan bolatyn.
QMA azamattardy qyraǵy bolýǵa jáne óz jinaqtaryn kúmándi qarjy uiymdaryna salmaýǵa shaqyrady.
