Almatyda qatarlasyn aiaýsyz soqqyǵa jyǵyp, bolǵan oqiǵany videoǵa túsirgen oqýshylar ustaldy. Oqiǵa áleýmettik jelide keńinen taraǵannan keiin politsiia qylmystyq is qozǵap, oǵan qatysy bar barlyq jasóspirimniń jeke basyn anyqtady, dep habarlaidy Ult.kz, Bairaq_Media-ǵa silteme jasap.
Aldyn ala málimetke sáikes, bir top jasóspirim óz qatarlasyn uryp-soǵyp, qorlaǵan sátti videoǵa túsirgen. Keiin bul jazbany áleýmettik jelige 14 jastaǵy qyz jariialaǵany belgili boldy.
Almaty qalalyq politsiiasy oqiǵaǵa qatysy bar barlyq tulǵanyń anyqtalǵanyn málimdedi. Qazir Qylmystyq kodekstiń «Buzaqylyq» baby boiynsha sotqa deiingi tergeý júrgizilip jatyr. Tergeý aiaqtalǵannan keiin is materialdary sotqa joldanady.
Qalalyq bilim basqarmasynyń málimetinshe, jábirlenýshi oqýshyǵa qajetti meditsinalyq jáne psihologiialyq kómek kórsetilip jatyr.
Almaty qalalyq Politsiia departamentiniń resmi ókili Saltanat Ázirbek bul istiń vedomstvo basshylyǵynyń erekshe baqylaýynda ekenin aitty.
«Naýryzbai aýdandyq politsiia basqarmasy qylmystyq isti tergep jatyr. Oqiǵaǵa qatysy bar barlyq tulǵa anyqtaldy. Barlyq mán-jaidy jan-jaqty jáne obektivti anyqtaýǵa baǵyttalǵan tergeý amaldary júrgizilýde», - dedi Saltanat Ázirbek.
Qazirgi ýaqytta quqyq qorǵaý organdary oqiǵanyń barlyq mán-jaiyn anyqtap, zań aiasynda tiisti protsessýaldyq sheshim qabyldamaq.
