Jýrnalist Rýslan Ótepbaiǵa marqumnyń ájesi suhbat berdi, dep habarlaidy ult.kz.
Ol qylmyskerdi 15 paiyz ǵana túsinetinin, nemeresin janýar óltirgendei pyshaqtap tastaǵanyn aityp jylady.
«6-synyptyń qyzy ekeýin tóbelestirip qarap otyrǵan. Ol kishkentai qyz ǵoi. Ol sabaq oqý kerek. Qylmysker bala men seni bylai jeńbesem demek basqasha jeńem dep óltirgen ǵoi», - deidi marqumnyń ájesi.
Rýslan Ótepbai baǵdarlamanyń tolyq nusqasy búgin shyǵatynyn aitty.
“12 jastaǵy balany kim jáne nege óltirdi? 10 maýsym kúni Almaty qalasynda 12 jastaǵy bala kóz jumdy. 6 synyp oqýshysyn ózinen bir jas úlken jetkinshek 9 ret pyshaqtaǵan. Saldarynan, kishkentai bala oqiǵa ornynda jan tapsyrdy. 12 jastaǵy Abylaihannyń ólimine kim kináli?
Kúdiktiler ne deidi? Qandai oiyndar bala psihikasy úshin qaýipti?», - dep jazdy jýrnalist.
Aldyn ala derekterge sáikes, jasóspirimge birneshe ret pyshaq jaraqaty salynǵan. Jaraqat saldarynan bala oqiǵa ornynda kóz jumǵan.
Politsiia málimetinshe, qylmysqa kúdikti retinde 13 jastaǵy jasóspirim ustalǵan. Ol marqummen burynnan tanys bolǵan jáne ekeýi bir ortada júrgeni aitylǵan. Tergeý nusqasy boiynsha, qaiǵyly jaǵdai balalar arasyndaǵy janjaldyń ýshyǵýynan bolǵan.
Qazirgi ýaqytta qylmystyq is qozǵalyp, oqiǵanyń barlyq mán-jaiy tergelip jatyr. Sondai-aq kúdiktiniń ata-anasynyń jaýapkershiligi de qarastyrylýda.
