Foto: freepik.com
Bas Prokýrordyń tapsyrmasyn oryndaý maqsatynda Almaty qalasynyń prokýratýrasy esirtki quraldary men psihotroptyq zattar jarnamalanyp, taratylatyn 16 telegram-arnany buǵattady, dep habarlaidy qalalyq prokýratýranyń baspasóz qyzmeti.
Tekserý barysynda qatysýshylarǵa tyiym salynǵan zattardy satyp alý múmkindigimen qatar «zakladchik» jumysy usynylǵany anyqtaldy. Nátijesinde sot Medeý aýdany prokýrorynyń tyiym salynǵan resýrstardy buǵattaý týraly talabyn qanaǵattandyrdy, olardyń qyzmeti toqtatyldy.
Kináli tulǵalardy belgilengen jaýapkershilikke tartý maqsatynda qadaǵalaý organy Qylmystyq kodekstiń 299-1-baby 1-bóligi boiynsha sotqa deiingi tergep-tekserýdi bastap (esirtkiquraldaryn, psihotroptyq zattardy nemese olardyń analogtaryn, prekýrsorlardy nasihattaý nemese zańsyz jarnamalaý), odan áritergeý úshin politsiiaǵa joldady.
«Almaty qalasynyń prokýratýrasy jedel buǵattaý úshin azamattardy uqsas internet-resýrstar anyqtalǵan jaǵdailar týraly habarlaýǵa shaqyrady», - delingen habarlamada.
Almatyda sintetika óndirýmen ainalysqan esirtki zerthanasy anyqtalǵanyn jazǵan bolatynbyz.
