فوتو: freepik.com
باس پروكۋروردىڭ تاپسىرماسىن ورىنداۋ ماقساتىندا الماتى قالاسىنىڭ پروكۋراتۋراسى ەسٸرتكٸ قۇرالدارى مەن پسيحوتروپتىق زاتتار جارنامالانىپ, تاراتىلاتىن 16 تەلەگرام-ارنانى بۇعاتتادى, دەپ حابارلايدى قالالىق پروكۋراتۋرانىڭ باسپاسٶز قىزمەتٸ.
تەكسەرۋ بارىسىندا قاتىسۋشىلارعا تىيىم سالىنعان زاتتاردى ساتىپ الۋ مٷمكٸندٸگٸمەن قاتار «زاكلادچيك» جۇمىسى ۇسىنىلعانى انىقتالدى. نەتيجەسٸندە سوت مەدەۋ اۋدانى پروكۋرورىنىڭ تىيىم سالىنعان رەسۋرستاردى بۇعاتتاۋ تۋرالى تالابىن قاناعاتتاندىردى, ولاردىڭ قىزمەتٸ توقتاتىلدى.
كٸنەلٸ تۇلعالاردى بەلگٸلەنگەن جاۋاپكەرشٸلٸككە تارتۋ ماقساتىندا قاداعالاۋ ورگانى قىلمىستىق كودەكستٸڭ 299-1-بابى 1-بٶلٸگٸ بويىنشا سوتقا دەيٸنگٸ تەرگەپ-تەكسەرۋدٸ باستاپ (ەسٸرتكٸقۇرالدارىن, پسيحوتروپتىق زاتتاردى نەمەسە ولاردىڭ انالوگتارىن, پرەكۋرسورلاردى ناسيحاتتاۋ نەمەسە زاڭسىز جارنامالاۋ), ودان ەرٸتەرگەۋ ٷشٸن پوليتسيياعا جولدادى.
«الماتى قالاسىنىڭ پروكۋراتۋراسى جەدەل بۇعاتتاۋ ٷشٸن ازاماتتاردى ۇقساس ينتەرنەت-رەسۋرستار انىقتالعان جاعدايلار تۋرالى حابارلاۋعا شاقىرادى», - دەلٸنگەن حابارلامادا.
الماتىدا سينتەتيكا ٶندٸرۋمەن اينالىسقان ەسٸرتكٸ زەرتحاناسى انىقتالعانىن جازعان بولاتىنبىز.
