Almatydaǵy «Buqar jyraý» turǵyn úi kesheni kúzetshisin myltyqpen atyp jaraqattaǵan kúdikti terezeden sekirip ketti. Mundai aqparat áleýmettik jelide tarady, dep habarlaidy "Ult aqparat".
Instagram áleýmettik jelisinde taraǵan sýrette kúzetshige oq atqan kúdiktiniń terezeden sekirip ketken sáti beinelengen.
"Meniń oiymsha, sekirgen sol. Tútin sonyń terezesinen shyǵyp jatyr. Sol qabat, balkon, órtke arnalǵan saty turǵan jer janyp jatyr", - deidi turǵyndar.
Buǵan deiin qarýly er adamnyń terezeni syndyryp, páter ishinde sham ustap otyrǵany habarlandy."Páter ishinen aldymen tarsyl, sodan keiin atys estildi de, odan soń ol "Allahý ákbar" dep aiqailap, 17-qabattan sekirip ketti", - deidi Sputnik Qazaqstan tilshisi.Aita keteiik, kúndiz turǵyn úi mańynda kúzetshiniń aiaǵyna oq atqan qarýly adam keshke deiin páter ishinde jasyryndy. Saǵat keshki jeti shamasynda politsiia qarýly adamdy ustaý boiynsha arnaiy operatsiiany bastady.Almaty qalasy politsiia departamentiniń baspasóz qyzmetiniń habarlaýynsha, qarýly adam quqyq qorǵaýshylarmen kelissózge kelmei, olarǵa qarsy oq atty.Er adamnyń shamamen 50-60 jasta ekeni habarlandy. Ol buǵan deiin kórshilerine dóreki minez kórsetken.Almaty qalasy qoǵamdyq densaýlyq basqarmasy jaraqat alǵan kúzetshiniń qaladaǵy meditsina mekemeleriniń birine jetkizilgenin, jaǵdaiy qalypty ekenin málimdedi. Onyń ómirine qaýip tónip turǵan joq.
