Foto: Polisia.kz
Almatyda politsiia qyzmetkeri ájei men onyń tórt nemeresine kómektesti, – dep habarlaidy Polisia.kz.
Jer silkinisinen keiin Shuǵyla yqshamaýdanynyń turǵyny tórt kishkentai nemeresin tez arada kiindirip, kóshege júgirip shyqqan. Belgili bolǵandai, áiel úiinen alystap ketken. Oǵan kishkentai balalarymen úiine qaita oralý qiyn bolǵan.
"Biz senip tapsyrylǵan aýmaqta zańdylyq pen tártipti qamtamasyz ettik. Azamattar úilerine qaita bastaǵanda balaly áieldi baiqaǵan. Ol nusqaý berdi, biz oǵan balalarymen birge úiine aman-esen jetýine kómektestik. Úsh balany arbaǵa otyrǵyzǵan, úlkeni óz betimen júrdi. Halyq tyǵyz ornalasqan shaǵyn aýdandardyń birinde tártip óz deńgeiinde qamtamasyz etildi", – deidi Naýryzbai aýdandyq PB-nyń jaýapty ýchaskelik inspektory Ergen Sembibai.
Osy ýaqytta Almatynyń Alataý aýdanynda politsiia qyzmetkerleri shetel azamatynyń otbasyna qabyldaý pýnktinde (182 orta mektep) ornalasýǵa kómektesken. Qarbalasta olar úiden jalańaiaq júgirip shyqqan. Sheteldikterge qajetti kómek kórsetildi.
