فوتو: Polisia.kz
الماتىدا پوليتسييا قىزمەتكەرٸ ەجەي مەن ونىڭ تٶرت نەمەرەسٸنە كٶمەكتەستٸ, – دەپ حابارلايدى Polisia.kz.
جەر سٸلكٸنٸسٸنەن كەيٸن شۇعىلا ىقشاماۋدانىنىڭ تۇرعىنى تٶرت كٸشكەنتاي نەمەرەسٸن تەز ارادا كيٸندٸرٸپ, كٶشەگە جٷگٸرٸپ شىققان. بەلگٸلٸ بولعانداي, ەيەل ٷيٸنەن الىستاپ كەتكەن. وعان كٸشكەنتاي بالالارىمەن ٷيٸنە قايتا ورالۋ قيىن بولعان.
"بٸز سەنٸپ تاپسىرىلعان اۋماقتا زاڭدىلىق پەن تەرتٸپتٸ قامتاماسىز ەتتٸك. ازاماتتار ٷيلەرٸنە قايتا باستاعاندا بالالى ەيەلدٸ بايقاعان. ول نۇسقاۋ بەردٸ, بٸز وعان بالالارىمەن بٸرگە ٷيٸنە امان-ەسەن جەتۋٸنە كٶمەكتەستٸك. ٷش بالانى ارباعا وتىرعىزعان, ٷلكەنٸ ٶز بەتٸمەن جٷردٸ. حالىق تىعىز ورنالاسقان شاعىن اۋدانداردىڭ بٸرٸندە تەرتٸپ ٶز دەڭگەيٸندە قامتاماسىز ەتٸلدٸ", – دەيدٸ ناۋرىزباي اۋداندىق پب-نىڭ جاۋاپتى ۋچاسكەلٸك ينسپەكتورى ەرگەن سەمبٸباي.
وسى ۋاقىتتا الماتىنىڭ الاتاۋ اۋدانىندا پوليتسييا قىزمەتكەرلەرٸ شەتەل ازاماتىنىڭ وتباسىنا قابىلداۋ پۋنكتٸندە (182 ورتا مەكتەپ) ورنالاسۋعا كٶمەكتەسكەن. قاربالاستا ولار ٷيدەن جالاڭاياق جٷگٸرٸپ شىققان. شەتەلدٸكتەرگە قاجەتتٸ كٶمەك كٶرسەتٸلدٸ.
