Almatyda politsiia túnde kóshede tabylǵan balanyń anasyn izdep jatyr, dep habarlaidy "Ult aqparat".
Kishkentai balanyń sýreti áleýmettik jelide tarady.
Politsiia departamenti baspasóz qyzmetiniń málimetinshe, ul balany 20 sáýirge qaraǵan túni aialdamadan er adam taýyp alǵan. Ol jalǵyz qalǵan balany úiine aparyp, jýyndyryp, kiimin aýystyryp, tamaqtandyrǵan. Kelesi kúni politsiiaǵa kelip jaǵdaidy málim etken.
Politsiia balaǵa jedel járdem shaqyryp, ony meditsinalyq tekserýden ótkizý úshin №2 balalar klinikalyq aýrýhanasyna jetkizdi. Qazir ol aýrýhanada.
«Iývenaldy politsiia bólimi men Jetisý aýdandyq politsiia basqarmasynyń qyzmetkerleri eki jasar balanyń anasyn izdeýde. Qazirgi ýaqytta onyń aty-jóni belgili boldy. Onyń eki balasy bar. Alataý aýdanynyń politsiia basqarmasynyń málimetinshe, áiel osy balasyn birneshe ret tastap ketken. Qazir onyń turyp jatqan jerin anyqtaýmen ainalysyp jatyrmyz. Zańǵa sáikes shara qoldanyady», - dep habarlady politsiiadan.
Bala «mama» degen sózden basqa eshteńe aitpaidy.
