Almatyda 36 jastaǵy áiel qylmystyq jaýapkershilikten bosatý máselesin sheshýge kómektesemin degen jeleýmen birneshe adamnan qomaqty aqsha alǵan, dep habarlaidy QazAqparat.
«Kúdikti - 1986 jyly týǵan M. esimdi azamatsha qala ortalyǵynda ustaldy. Ol politsiiaǵa belsendi túrde qarsylyq kórsetip, pyshaqpen shabýyldady. Sodan keiin ótip bara jatqandardyń nazaryn aýdarý úshin qatty aiǵailady», - deidi Almaly aýdandyq politsiia basqarmasynyń bastyǵy Esen Ysqaqov.
Politsiia ókiliniń sózinshe, kúdikti birneshe adamdy qylmystyq jaýapkershilikten bosatýǵa ýáde berip, qomaqty qarjy alǵan.
«Bizge birinshi ótinish ótken jyldyń qazan aiynda túsken. Qylmystyq jaýapkershilikten bosatý máselesin sheshýge kómektesemin degen jeleýmen atalǵan áiel «klientten» 20 myń dollar alǵan. Azamattar mamyr aiynda ekinshi ótinishpen júgindi. Bul jaǵdaida kúdikti qylmystyń kvalifikatsiiasyn ózgertýge ýáde berip, 2,5 mln teńge alǵan. M. esimdi azamatshaǵa qatysty QR QK 190 baby 4 bóligi boiynsha qylmystyq is qozǵaldy», - dedi spiker.
Qazir tártip saqshylary ustalǵan azamatshanyń osyǵan uqsas epizodtarǵa qatysy bar-joǵyn anyqtap jatyr.
Politsiia qyzmetkerleri M. esimdi áieldiń áreketinen zardap shekkenderdiń barlyǵyn 8-708-707-92-02 jáne 8-775-774-44-41 telefondary arqyly habarlasýyn suraidy.
