Almaty qalasynyń sharýashylyq júrgizý quqyǵyndaǵy №1 qalalyq perzenthanasynyń bas dárigeri para alǵany úshin sottaldy, dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Almaty qalasynyń sybailas jemqorlyqqa qarsy qyzmeti №1 qalalyq perzenthananyń bas dárigeri N. K. Rakishevaǵa qatysty sotqa deiingi tergeýdi aiaqtady.
Ol atalǵan perzenthanada foto jáne beinetúsirilim qyzmetin esh kedergisiz júrgizgen JShS direktorynan 200 myń teńge para aldy, sondai-aq Almaty qalalyq memlekettik aktivter basqarmasyna kelisimshartty buzý týraly hat jibermedi dep aiyptalǵan edi.
26 qyrkúiekte Almaty qalasy Almaly aýdandyq sotynyń úkimimen N. K. Rakishevaǵa para alǵany úshin 6 mln teńge kóleminde aiyppul salyndy jáne memlekettik qyzmette laýazymdy qyzmetpen ainalysýyna ómir boiyna tyiym salyndy.
