Almatyda páter urylary qylmys ornynda ustaldy, dep habarlaidy QazAqparat tilshisi.
Politsiia málemetinshe, kúdiktiler kriminaldyq politsiia, Naýryzbai aýdandyq politsiia basqarmasy men politsiianyń arnaiy jasaqtarynyń jedel-izdestirý sharalarynyń barysynda ustalǵan.
«Kúdiktiler «Shuǵyla» yqshamaýdanynda ornalasqan kópqabatty úlerdiń birindegi páterdi tonap, altyn buiymdardy qoldy etken. Kelgen shyǵynnyń jalpy somasy - 250 myń teńge. Kúdiktiler qylmys ornynda ustaldy. Olar zattai aiǵaqtardan qutylyp úlgermegen. Tutqyndaý kezinde altyn saqina men altyn alqa tárkilendi jáne qylmystyq is materialdaryna tirkeldi», – dedi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.
Ustalǵandar – 32 jastaǵy A. esimdi Almaty oblysynyń týmasy, 35 jastaǵy K. esimdi ShQO týmasy jáne 44 jastaǵy B. esimdi Jambyl oblysynyń týmasy.
Úsheýi de buryn múliktik qylmys jasaǵany úshin sotty bolǵan.
Spikerdiń sózinshe, qylmystyq úshtik músheleri ýaqytsha ustaý izoliatoryna qamaldy. QR QK-niń 188-baby 3-bólimi boiynsha sotqa deiingi tergeý amaldary júrgizilýde.
Bul toptyń Naýryzbai aýdany aýmaǵynda jasalǵan 6 páter tonaýyna qatysy bar-joǵy anyqtalyp jatyr.
