Tótenshe jaǵdai rejimi kezinde azamattardy blokpostan ótkizgen Jetisý aýdany ákimdiginiń qyzmetkerleri sottaldy, dep habarlaidy "Ult aqparat".
Sybailas jemqorlyqqa qarsy is-qimyl agenttiginiń habarlaýynsha, osy jyldyń 14 mamyrynda Almaty qalasy Jetisý aýdanynyń №2 aýdandyq soty Jetisý aýdany ákimi apparatynyń bas mamandary K.E. Ádenov pen S.S. Orazovqa qatysty aiyptaý úkimin shyǵarǵan. K.E. Ádenov pen S.S. Orazov birneshe ret para alǵany úshin kináli dep tanylyp, olarǵa tiisinshe 4 077 500 teńge jáne 13 300 000 teńge aiyppul salynyp otyr.
«Sot olarǵa ómir boiy memlekettik qyzmette laýazym atqarýǵa tyiym saldy. Sonymen qatar, osy úkimmen azamat V.I. Ýdjýr para alý kezinde deldaldyq jasaǵany úshin kináli dep tanylyp, oǵan 2 430 000 teńge kóleminde aiyppul salyndy», - dep habarlaidy agenttikten.
Atalǵan laýazymdy adamdardyń Jetisý aýdanyndaǵy blokpostta kedergisiz ótý úshin Almaty qalasynyń turǵyndarynan deldal arqyly birneshe ret para alǵany buǵan deiin habarlanǵan bolatyn.
