Foto:Massaget.kz
Almatyda «Aqkent» shaǵynaýdanyndaǵy 16 qabatty turǵyn úide oryn alǵan órtke bailanysty Alataý aýdanynyń ákimi Azamat Qaldybekovtiń tóraǵalyǵymen turǵyn úi aldynda jedel shtab quryldy. Shtabta tótenshe jaǵdailar departamenti, politsiia, prokýratýra, Ulttyq qaýipsizdik komiteti bar, dep habarlaidy BAQ.KZ.
Almaty ákimdiginiń habarlaýynsha, jedel shtab táýlik boiy jumys isteidi:
- Politsiia basqarmasy zardap shekken azamattar múlkiniń qaýipsizdigi men saqtalýyn qamtamasyz etý maqsatynda jergilikti jerde politsiia qyzmetkerleriniń kezekshiligin uiymdastyrdy;
- Zardap shekken turǵyndar úshin tamaqtaný jáne túnep shyǵý oryndary uiymdastyryldy (178-shi litseidiń sport zaly men qonaqúi);
- Almaty qalasynyń Qutqarý qyzmeti arqyly 250 orynǵa jinalmaly tósekter men matratstar uiymdastyryldy;
- Aýmaqty sanitarlyq tazartý boiynsha aýdan qyzmetiniń jumysy uiymdastyryldy;
- Aýdan ákimdigi páterdiń búlingen materialdaryn (terezeler, esikter jáne basqalar) qalpyna keltirý máselesi boiynsha qurylys salýshymen kelissózder júrgizdi. Onyń nátijeleri boiynsha qurylys salýshy páterlerdi qalpyna keltirýge mindettendi;
- Turǵyndar arasynda qajetti túsindirý jumystary júrgizilýde;
- Zardap shekkender úshin jedel jeli uiymdastyryldy: 87071872507; 3989820
- Zardap shekkenderge ýaqytsha turatyn oryn usyný úshin jaqyn mańdaǵy qonaqúilermen kelissózder júrgizildi;
Qazirgi ýaqytta barlyq qyzmetter shtattyq rejimde jumys istep jatyr. Aýdan ákimi A. Qaldybekov pen barlyq múddeli qalalyq jáne aýdandyq qyzmetter oqiǵa ornynda júr. Qazirgi kezde jaǵdai turaqty,- dep atap ótti qala ákimdiginen.
Eske sala keteiik, 1 tamyzda Almatyda 16 qabatty úi órtendi. Amaly qalmaǵan turǵyndar balalaryn terezeden laqtyrdy. Sońǵy málimet boiynsha, oqiǵa saldarynan 1 adam qaitys boldy.
