فوتو:Massaget.kz
الماتىدا «اقكەنت» شاعىناۋدانىنداعى 16 قاباتتى تۇرعىن ٷيدە ورىن العان ٶرتكە بايلانىستى الاتاۋ اۋدانىنىڭ ەكٸمٸ ازامات قالدىبەكوۆتٸڭ تٶراعالىعىمەن تۇرعىن ٷي الدىندا جەدەل شتاب قۇرىلدى. شتابتا تٶتەنشە جاعدايلار دەپارتامەنتٸ, پوليتسييا, پروكۋراتۋرا, ۇلتتىق قاۋٸپسٸزدٸك كوميتەتٸ بار, دەپ حابارلايدى BAQ.KZ.
الماتى ەكٸمدٸگٸنٸڭ حابارلاۋىنشا, جەدەل شتاب تەۋلٸك بويى جۇمىس ٸستەيدٸ:
- پوليتسييا باسقارماسى زارداپ شەككەن ازاماتتار مٷلكٸنٸڭ قاۋٸپسٸزدٸگٸ مەن ساقتالۋىن قامتاماسىز ەتۋ ماقساتىندا جەرگٸلٸكتٸ جەردە پوليتسييا قىزمەتكەرلەرٸنٸڭ كەزەكشٸلٸگٸن ۇيىمداستىردى;
- زارداپ شەككەن تۇرعىندار ٷشٸن تاماقتانۋ جەنە تٷنەپ شىعۋ ورىندارى ۇيىمداستىرىلدى (178-شٸ ليتسەيدٸڭ سپورت زالى مەن قوناقٷي);
- الماتى قالاسىنىڭ قۇتقارۋ قىزمەتٸ ارقىلى 250 ورىنعا جينالمالى تٶسەكتەر مەن ماتراتستار ۇيىمداستىرىلدى;
- اۋماقتى سانيتارلىق تازارتۋ بويىنشا اۋدان قىزمەتٸنٸڭ جۇمىسى ۇيىمداستىرىلدى;
- اۋدان ەكٸمدٸگٸ پەتەردٸڭ بٷلٸنگەن ماتەريالدارىن (تەرەزەلەر, ەسٸكتەر جەنە باسقالار) قالپىنا كەلتٸرۋ مەسەلەسٸ بويىنشا قۇرىلىس سالۋشىمەن كەلٸسسٶزدەر جٷرگٸزدٸ. ونىڭ نەتيجەلەرٸ بويىنشا قۇرىلىس سالۋشى پەتەرلەردٸ قالپىنا كەلتٸرۋگە مٸندەتتەندٸ;
- تۇرعىندار اراسىندا قاجەتتٸ تٷسٸندٸرۋ جۇمىستارى جٷرگٸزٸلۋدە;
- زارداپ شەككەندەر ٷشٸن جەدەل جەلٸ ۇيىمداستىرىلدى: 87071872507; 3989820
- زارداپ شەككەندەرگە ۋاقىتشا تۇراتىن ورىن ۇسىنۋ ٷشٸن جاقىن ماڭداعى قوناقٷيلەرمەن كەلٸسسٶزدەر جٷرگٸزٸلدٸ;
قازٸرگٸ ۋاقىتتا بارلىق قىزمەتتەر شتاتتىق رەجيمدە جۇمىس ٸستەپ جاتىر. اۋدان ەكٸمٸ ا. قالدىبەكوۆ پەن بارلىق مٷددەلٸ قالالىق جەنە اۋداندىق قىزمەتتەر وقيعا ورنىندا جٷر. قازٸرگٸ كەزدە جاعداي تۇراقتى,- دەپ اتاپ ٶتتٸ قالا ەكٸمدٸگٸنەن.
ەسكە سالا كەتەيٸك, 1 تامىزدا الماتىدا 16 قاباتتى ٷي ٶرتەندٸ. امالى قالماعان تۇرعىندار بالالارىن تەرەزەدەن لاقتىردى. سوڭعى مەلٸمەت بويىنشا, وقيعا سالدارىنان 1 ادام قايتىس بولدى.
