Almaly aýdanyndaǵy bes qabatty turǵyn úiden órt shyqty. Qutqarýshylar páterden shyǵa almai qalǵan anasy men tórt jasar ulyn aman alyp qaldy, dep habarlaidy QazAqparat.
Qalalyq Tótenshe jaǵdailar departamentiniń málimetinshe, 14 qazan kúni saǵat 16:00- de TJD 101 pýltine Almaly aýdanyndaǵy Turǵyt Ozal 57 meken-jaiy boiynsha turǵyndardan órt týraly habarlama tústi.
«ÓSB-14 órt sóndirý bólimshesi esepteri birinshi bolyp kelgen sátte, barlaý jumystary barysynda turǵyn úidiń besinshi qabatta ornalasqan qoiý tútin, ashyq jalynmen vitrajdy balkon janyp jatqanyn anyqtady, órt janynda ornalasqan jihazǵa taralyp úlgergen. Baspaldaq alańynda joǵary temperatýra, ýly tútin paida bolyp, páterlerden adamdar shyǵa almai qaldy»,- dep habarlady vedomstvadan.
Qaraýyl bastyǵy azamattyq qorǵaý aǵa leitenanty Rýstam Ýladiev qutqarý jumystaryn júrgizý jáne órt sóndirý kezinde gaz-tútinnen qorǵaý qyzmetiniń janyp jatqan qabattaǵy páterlerden adamdardy evakýatsiialaý týraly sheshim qabyldady.
«Qalyptasqan jaǵdaiǵa bailanysty ÓSB-1 (órt sóndirý basshysy) jeke quramǵa jabylyp turǵan esikti ashý jáne adamdardy shyǵaryp alyp týraly komanda berildi. Aǵa órt sóndirýshi Ádilmurat Sabyrjan men Áben Talant páterge qamalyp qalǵan E. Janbotaeva men onyń tórt jasar ulyn qutqardy. Baqytymyzǵa orai, qutqarylǵandarǵa meditsinalyq kómek qajet bolmady», - dep tolyqtyrdy departamentten.
Órt 7 minýt ishinde aýyzdyqtalyp, 16:38-de tolyq sóndirildi.
Oǵan eki órt sóndirý bólimshesi, 5 avtotehnika, jeke quramnyń 17 adamy jumyldyryldy.
Qabyldanǵan sharalardyń arqasynda eshkim zardap shekken joq.
