Almatyda oqýshynyń telefonyn urlap alǵan er adam ustaldy, dep habarlaidy QazAqparat.
Almaty qalalyq politsiia departamentiniń málimetinshe, kúdikti kóbine áielder men mektep oqýshylarynyń qaltasyn qaqqan.
«Qoǵamdyq kóliktegi urlyqtyń aldyn alý boiynsha is-shara barysynda bizdiń bólimshe qyzmetkerleri qalalyq kriminaldyq politsiiadaǵy áriptesteriniń kómegimen qoǵamdyq kólik baǵyttarynyń birinde 33 jastaǵy D. esimdi azamatty ustady. Kúdikti balanyń qaltasynan smartfondy urlap ketken. Mobildi qurylǵy tárkilenip, oqýshynyń ata-anasyna qaitaryldy» , – dedi Medeý aýdandyq PB janyndaǵy politsiia bóliminiń bastyǵy Edilhan Baiǵaraev.
Qazirgi ýaqytta sotqa deiingi tergeý amaldary júrgizilýde. Kúdikti qamaýǵa alyndy.
Politsiia ókiliniń aitýynsha, Almaty oblysy týmasynyń osyǵan uqsas qylmystarǵa qatysy bar-joǵy anyqtalyp jatyr.
Atalǵan derek boiynsha QR QK-niń 188-babyna sáikes qylmystyq is sotqa deiingi tergeýdiń biryńǵai tizilimine tirkeldi.
