Almaly aýdanynyń prokýratýrasy 1,8 mlrd teńge kóleminde jalaqy óndirý týraly jalǵan mámileni anyqtady, dep habarlaidy "Ult aqparat".
«2019 jyldyń 23 jeltoqsanynda notariýs «K» JShS-nan «M» degen azamatqa 1 805 097 937 teńge mólsherinde jalaqy óndirmek bolǵan. Taldaýlardyń nátijesinde M degen azamat osy JShS tolyq quryltaishysy ekeni anyqtaldy. Ol aiyna 40 mln teńge jalaqy alyp otyrǵan. Medeý aýdandyq soty 2019 jyldyń 16 tamyzynda onyń jalaqy óndirý týraly aryzyn qanaǵattandyrmaǵan. Sot úkimi men mámileniń kúmándiligine qaramastan notariýs jalǵan atqarý qolyn qoiǵan», - dedi prokýratýra.
Prokýratýranyń habarlaýynsha, QR «Ońaltý jáne bankrottyq» týraly zańyna sáikes jabylatyn uiymnyń eń aldymen kreditorlar aldyndaǵy boryshynan góri jumyskerlerdiń jalaqysynan qutylý boryshy aldyńǵy orynda bolady.
«M degen azamat basqa kásipkerlerge iri mólsherde qaryz bolǵan. Osylaisha jalǵan jalaqy boryshyn alǵa tartyp, aqshany jylystatý shemasyn quryp olardan qutylyp ketpek bolǵan», - dedi prokýratýradan.
2020 jyldyń 12 mamyryndaǵy sot sheshimimen notariýstyń atqarý qoly jaramsyz dep tanyldy. Notariýsqa qatysty jeke anyqtama shyǵaryldy. Qazir bul anyqtama qaralyp jatyr.
