المالى اۋدانىنىڭ پروكۋراتۋراسى 1,8 ملرد تەڭگە كٶلەمٸندە جالاقى ٶندٸرۋ تۋرالى جالعان مەمٸلەنٸ انىقتادى, دەپ حابارلايدى "ۇلت اقپارات".
«2019 جىلدىڭ 23 جەلتوقسانىندا نوتاريۋس «ك» جشس-نان «م» دەگەن ازاماتقا 1 805 097 937 تەڭگە مٶلشەرٸندە جالاقى ٶندٸرمەك بولعان. تالداۋلاردىڭ نەتيجەسٸندە م دەگەن ازامات وسى جشس تولىق قۇرىلتايشىسى ەكەنٸ انىقتالدى. ول ايىنا 40 ملن تەڭگە جالاقى الىپ وتىرعان. مەدەۋ اۋداندىق سوتى 2019 جىلدىڭ 16 تامىزىندا ونىڭ جالاقى ٶندٸرۋ تۋرالى ارىزىن قاناعاتتاندىرماعان. سوت ٷكٸمٸ مەن مەمٸلەنٸڭ كٷمەندٸلٸگٸنە قاراماستان نوتاريۋس جالعان اتقارۋ قولىن قويعان», - دەدٸ پروكۋراتۋرا.
پروكۋراتۋرانىڭ حابارلاۋىنشا, قر «وڭالتۋ جەنە بانكروتتىق» تۋرالى زاڭىنا سەيكەس جابىلاتىن ۇيىمنىڭ ەڭ الدىمەن كرەديتورلار الدىنداعى بورىشىنان گٶرٸ جۇمىسكەرلەردٸڭ جالاقىسىنان قۇتىلۋ بورىشى الدىڭعى ورىندا بولادى.
«م دەگەن ازامات باسقا كەسٸپكەرلەرگە ٸرٸ مٶلشەردە قارىز بولعان. وسىلايشا جالعان جالاقى بورىشىن العا تارتىپ, اقشانى جىلىستاتۋ سحەماسىن قۇرىپ ولاردان قۇتىلىپ كەتپەك بولعان», - دەدٸ پروكۋراتۋرادان.
2020 جىلدىڭ 12 مامىرىنداعى سوت شەشٸمٸمەن نوتاريۋستىڭ اتقارۋ قولى جارامسىز دەپ تانىلدى. نوتاريۋسقا قاتىستى جەكە انىقتاما شىعارىلدى. قازٸر بۇل انىقتاما قارالىپ جاتىر.
