Kolesa.kz saitynda Nursultan Nazarbaev mingeni aitylǵan Mercedes S-klass kóligi satylymǵa qoiyldy, - dep habarlaidy Tengrinews.kz agenttigi.
Portal málimetinshe, Mercedes kóliginiń bul ekzempliary 1993 jyly shyǵarylǵan. Bul Mercedes-Benz S-klass kóligi birden birneshe ereksheligimen kózge túsedi.
"Birinshiden, bul - saittaǵy eń qymbat Mercedes-Benz 600 SEL (W140). Kólik 25 million teńgege baǵalanǵan, bul sol jyldary shyǵarylǵan 600 SEL markasynyń ortasha baǵasynan alty esege qymbat. Ekinshiden, sedannyń júrisi - 29 jyldan asa ýaqytqa bar bolǵany 37 930 shaqyrym.
Alaida odan da qyzyq derek, bul Mercedes qazirgi iesiniń aitýynsha, buryn 01 KZ nómirimen Nursultan Nazarbaevty tasymaldaǵan. Jarnama avtory óz sózin tirkeý derekter bazasyndaǵy skrinshotpen, sondai-aq muraǵattyq sýretter arqyly rastaidy", - dep jazdy sait.
Sondai-aq, kólik brondalǵany aitylǵan.
Sonymen qatar, avtokólik salony sur tústi bylǵarydan jáne búiir terezeleri mehanikalandyrylǵan perdelermen jabdyqtalǵan. Sondai-aq, aldyńǵy jáne artqy oryndyqtarynda jylytý mehanizmi bar.
