19 sáýir kúni Almatyda «Mudarabah Capital» qarjy piramidasynyń tórt uiymdastyrýshysy qamaýǵa alyndy, dep habarlaidy QazAqparat qalalyq Politsiia departamentiniń baspasóz qyzmetine silteme jasap.
«Qarjy piramidasyna qatysty is boiynsha taǵy úsh figýrant anyqtaldy. Másele «MUDARABAN CAPITAL» seriktestiginiń qatysýshylary – buǵan deiin «kepilmen bosatý» bultartpaý sharasy tańdalǵan Sh. jáne T.esimdi azamattar, sondai-aq sotqa deiingi tergeý barysyna «úiqamaqqa» alynǵan M. jáne K.esimdi azamattar týrasynda bolyp otyr», - dedi vedomstvodan.
Eske salaiyq, atalǵan tulǵalar QR Qylmystyq kodeksiniń 217-baby 3-bóligi boiynsha Almaty qalalyq Politsiia departamenti Tergeý basqarmasy tergep jatqan qylmystyq is boiynsha kúdikti retinde tanylǵan edi.
«Almaty qalalyq Politsiia departamenti qylmystyq isti qarjy piramidasyn qurý jáne uiymdastyrý faktisi boiynsha «ASTEX.KZ» JShS jáne «ACD technology» JShS-lardyń laýazymdy tulǵalarynyń ústinen azamattar toby bergen ujymdyq aryz negizinde tirkegen bolatyn», - dedi qalalyq Politsiia departamenti bastyǵynyń orynbasary Rýstam Abdrahmanov.
Anyqtalǵandai, 2009 jyldyń aqpany men 2021 jyldyń qańtary aralyǵynda atalǵan JShS-lardyń laýazymdy tulǵalary memlekettik satyp alýlarǵa qatysý jeleýimen aqsha qarajatyn tartý úshin jeke jáne zańdy tulǵalarmen birlesken qyzmet týraly kelisimsharttar jasasqan.
«Ekijaqty qujatqa sáikes firmalar árbir salymshyǵa ai saiyn salynǵan sýmmadan 20 paiyz tólep otyrýy tiis bolǵan. 5 mlrd teńge kólemindegi aqsha qarajaty «ASTEX.KZ» JShS-ǵa 162 salymshydan ózge kompaniia - «MUDARABAN CAPITAL» JShS-dan túsip otyrǵan», - dep naqtylady vedomstvonyń baspasóz qyzmetinen.
Eske salaiyq, atalǵan iske qatysy bar degen kúdikpen tanymal vainerler Meiirjan Tórebaev pen Meiirhan Sherniiazov kúdikti retinde ustalǵan bolatyn.
Keiin tergeý soty ekeýine qatysty «kepilmen bosatý» túrindegi bultartpaý sharasyn sanktsiialady. Úshinshi kúdikti – taǵy bir tanymal vainer Azimjan Saidbaevqa izdeý jariialandy.
15 sáýir kúni QR Bas prokýrorynyń orynbasary Áset Shyndaliev qarjy piramidasyn qurý isi boiynsha tergeý aiaqtalǵanyn málim etken edi.
«Qazir is boiynsha tergeý aiaqtaldy, iaǵni tanystyrý kezeńi ótip jatyr. Osy qylmysqa qatysty barlyq kúdiktiniń is-qimylyna baǵa berilip, olarǵa aiyp taǵyldy. Bul rásimder aiaqtalǵannan keiin, ony prokýrorǵa joldaidy. Óz kezeginde prokýror isti sotqa baǵyttaidy», - degen edi Bas prokýrordyń orynbasary.
