Almaty qalasynyń bas sanitarlyq dárigeri Jandarbek Bekshin onlain brifing barysynda meiramhanalardyń jumys ýaqyty bir saǵatqa qysqarǵanyn aitty, dep habarlaidy "Ult aqparat".
«Qazir qalada aýrý juqtyrý deregi kóbeiip jatyr. Osyǵan bailanysty biz meiramhanalardyń jumys ýaqytyn qysqartý týraly sheshim qabyldadyq. Aldyńǵy qaýlyǵa ózgertý engizdik. Meiramhanalardyń jumys ýaqytyn 1 saǵatqa shegerdik. Bul saqtyq sharalaryn kúsheitý úshin. Sonymen qatar, bul turǵyndardyń qoǵamdyq oryndarǵa az barýy úshin jasalyp otyr», – deidi Jandarbek Bekshin.
Onyń aitýynsha, Almatyda qyrkúiek, qazan ailarynda koronavirýs juqtyrý deregi azaiǵan edi. Alaida qarashanyń alǵashqy kúninen bastap, aýrý ósimi baiqalyp otyr. Eger osyǵan deiin táýligine koronavirýs juqtyrýdyń 10 deregi tirkelse, qazir 24-30 tirkelip jatyr.
