الماتى قالاسىنىڭ باس سانيتارلىق دەرٸگەرٸ جانداربەك بەكشين ونلاين بريفينگ بارىسىندا مەيرامحانالاردىڭ جۇمىس ۋاقىتى بٸر ساعاتقا قىسقارعانىن ايتتى, دەپ حابارلايدى "ۇلت اقپارات".
«قازٸر قالادا اۋرۋ جۇقتىرۋ دەرەگٸ كٶبەيٸپ جاتىر. وسىعان بايلانىستى بٸز مەيرامحانالاردىڭ جۇمىس ۋاقىتىن قىسقارتۋ تۋرالى شەشٸم قابىلدادىق. الدىڭعى قاۋلىعا ٶزگەرتۋ ەنگٸزدٸك. مەيرامحانالاردىڭ جۇمىس ۋاقىتىن 1 ساعاتقا شەگەردٸك. بۇل ساقتىق شارالارىن كٷشەيتۋ ٷشٸن. سونىمەن قاتار, بۇل تۇرعىنداردىڭ قوعامدىق ورىندارعا از بارۋى ٷشٸن جاسالىپ وتىر», – دەيدٸ جانداربەك بەكشين.
ونىڭ ايتۋىنشا, الماتىدا قىركٷيەك, قازان ايلارىندا كوروناۆيرۋس جۇقتىرۋ دەرەگٸ ازايعان ەدٸ. الايدا قاراشانىڭ العاشقى كٷنٸنەن باستاپ, اۋرۋ ٶسٸمٸ بايقالىپ وتىر. ەگەر وسىعان دەيٸن تەۋلٸگٸنە كوروناۆيرۋس جۇقتىرۋدىڭ 10 دەرەگٸ تٸركەلسە, قازٸر 24-30 تٸركەلٸپ جاتىر.
