Sanitarlyq normalardy saqtaý jáne koronavirýs infektsiiasynyń ósýine jol bermeý maqsatynda Astana kúnine arnalǵan negizgi sharalar onlain formatta ótedi, dep habarlaidy "Ult aqparat".
Mádeniet basqarmasynyń málimetinshe, karantinge bailanysty keibir negizgi sharalar onlain rejiminde ótedi. Sonymen qatar, Almatyda merekelik otshashý bolmaidy.
2 shilde kúni Almaty mýzeiinde «Altyn qazyq – Astana» kórmesi (offlain/onlain) formatta ótedi. Kórmeniń maqsaty: Almatylyqtar men qala qonaqtaryn Elorda qurylysy tarihynyń jekelegen sátterimen tanystyrý, tek óz salasynda tanymal mamandar esimi men eńbegin halyqqa pash etý, zamanaýi qazaqstandyq sáýlet ónerin nasihattaýǵa úles qosý.
Kórmede Nur-Sultan qalasy úshin jasalǵan biregei nysandardyń ideiasy týyndaǵan sátten júzege asyrylǵanǵa deiingi kezeńderi grafikalyq formatta usynylady.
Sonymen qatar, 5 shilde kúni D.A. Qonaev mýzeii «El júregi – Elorda» taqyrybynda fotokórme (onlain) uiymdastyrady. Shara barysynda mýzei qoryndaǵy elordamyz jaily fotosýretter men kitaptar kelýshiler nazaryna usynylady. Maqsaty: elordamyzdyń qalyptasý tarihyn jas urpaqqa foto-qujat arqyly nasihattaý, Nur-Sultan qalasynyń kórikti jerlerin tanystyrý aqyly qala tynysyn keńinen sezindirý.
5-shilde saǵat 18-30 da «Alataý» dástúrli óner teatry» Elorda kúnine orai «Ertegidegidei Elorda» atty keshpen tetrdyń 4 – maýsymynyń shymyldyǵyn jabady.
Keshte dástúrli ándermen qatar umyt bolyp bara jatqan, kóne dástúrli án-jyrlar da oryndalady. Teatrdyń tolyq shyǵarmashylyq toby (70 ke jýyq artist) óner kórsetedi. Sondai – aq, bul keshte dástúrli án mektebiniń beseýi de qamtylmaq. Alataý folklorlyq ansambli men myń buralǵan bishiler keshtiń sánin odan ári árlendire túsepek.
6 shilde - S. Muqanov pen Ǵ. Músirepovtiń ádebi-memorialdyq mýzei kesheni «Astana ajary» kórmesi (onlain) ótkizedi. Ol jerde Elordanyń simvoly, astanany aýystyrý týraly QR prezidentiniń jarlyǵy, onyń mártebesi týraly QR Zańy, Astana qalasynyń qazirgi kelbetimen, jetistikterimen tanysýǵa bolady.
Sharanyń maqsaty- elimizge degen súiispenshilik pen qurmetti nyǵaitý, Qazaqstannyń túrli saladaǵy jetistikterine maqtanyshyn jáne jeke tabystarǵa jetýge degen nietin qalyptastyrý.
6 shilde kúni Mýltimediialyq dástúrli mýzyka ortalyǵynda «El tiregi – Elorda» (onlain) formatta seminar ótedi. Jiynda Nur-Sultan qalasynyń tarihy, mádenieti, damýy joly baiandalady. QR Tuńǵysh prezidenti Elbasy Nursultan Nazarbaevtyń eńbek joly kórsetiledi.
6 shilde saǵat 12.00, 14.00 halyq ertegisi «Er Tóstik» (rej.: E.Qabdyl) qoiylymynyń premerasy (offlain ) kórsetiledi.
6 shilde saǵat 18.00 «Arman álemi» ertegisi – Qazaq radiosynan merekelik radiospektakl (onlain)
5-8 shilde aralyǵynda ortalyqtandyrylǵan kitaphanalar júiesinde Elorda kúnine orai kóptegen taqyryptyq kitap kórmeleri uiymdastyrylady.
Qazaq memlekettik tsirkinde 3 shilde men 15 tamyz aralyǵynda tsirk artisi, aty ańyzǵa ainalǵan qazaq balýany Qajymuqan Muńaitpasovtyń 150 jyldyǵyna arnalǵan «HELLO CIRCUS» atty jańa baǵdarlamasy ótedi.
Al 5 shilde Elorda kúnine orai Qazaq memlekettik tsirki múmkindigi shekteýli balalarǵa, balalar úiiniń tárbielenýshilerine, internattar men az qamtylǵan otbasylardyń balalaryna qaiyrymdylyq qoiylymyn ótkizedi.
