© Sputnik / Abzal Kaliev
Almaty prokýrorlary qaladaǵy mektepterdiń birinde 46 mln teńgeden astam somadaǵy biýdjet qarajatynyń urlanǵanyn anyqtady, dep habarlaidy "Ult aqparat".
Qala prokýratýrasynyń málimetinshe, mekteptiń bas býhgalteri bir jyl boiy shtattyq kestede qarastyrylǵan eńbekaqydan asatyn jalaqyny óziniń jeke shottaryna zańsyz aýdaryp kelgen.
"Atalǵan derek boiynsha Bostandyq aýdanynyń prokýratýrasy sotqa deiingi tergep-tekserý bastady.
Tergeý barysynda mektep býhgalteri óz kinásin tolyǵymen moiyndady.
Sot úkimimen kináli adam Qazaqstan Respýblikasy Qylmystyq kodeksiniń 189-baby 4-bóliginiń 2-tarmaǵy (senip tapsyrylǵan múlikti iemdený jáne ysyrap etý) boiynsha materialdyq-jaýapty laýazymdardy atqarý quqyǵynan 5 jyl merzimge jáne 7 jylǵa bas bostandyǵynan aiyryldy" - delingen vedomstvo habarlamasynda.
Sot úkimi zańdy kúshine engen joq.
