Almatydaǵy meiramhanalardyń birinde demalýshylardyń mazasyn alǵan sheteldik azamattyń áreketi áleýmettik jelide qyzý talqylandy, dep habarlaidy ult.kz.
Oqiǵa kezinde túsirilgen beinejazbada er adamnyń kórshi ústelde otyrǵan áielge balaǵat sózder aityp, ádepsiz áreket jasaǵany kórinedi. Beinejazba jelige taraǵannan keiin politsiia oqiǵaǵa qatysty tekserý júrgizdi.
Almaty qalasynyń Politsiia departamentiniń málimetinshe, quqyq buzýshynyń jeke basy anyqtalǵan. Ol Qazaqstan azamaty emes, Kanada azamaty bolyp shyqqan.
Politsiia oǵan qatysty usaq buzaqylyq faktisi boiynsha ákimshilik is qozǵady. Sot sheshimimen Kanada azamaty 5 táýlikke ákimshilik qamaqqa alyndy.
Vedomstvo Qazaqstan aýmaǵynda júrgen kez kelgen adam, azamattyǵyna qaramastan, el zańdaryn saqtaýǵa jáne ainalasyndaǵylardyń quqyqtary men ar-namysyna qurmetpen qaraýǵa mindetti ekenin eske saldy.
