Almatyda jedel járdem qyzmetkerleri basy jarylǵan balany dalada qaldyryp ketken. Bul týraly BAQ ókilderine anasy shaǵymdanǵan, dep habarlaidy "Ult aqparat".
Facebook qoldanýshysy 14 jastaǵy ulynyń Gorkii atyndaǵy parkte syrǵanap júrip qulap qalǵanyn jazdy.
«Bala parkke dosymen barǵan. Qatty soqqydan bala esinen tanyp qalǵan», - dedi ol.
Oqiǵa ornyna kelgen jedel járdem bala men onyń dosyn 12 qalalyq aýrýhanaǵa alyp ketken.
Aýrýhanada jedel járdem qyzmetkerleri balanyń telefonynan JSN nómirin alyp aýrýhananyń aýlasynda qaldyryp ketken.
«Dosynyń aitýynsha, olardy aýrýhana qabyldamaǵan. Sebebi, balanyń jasy 15-ke tolmaǵan. Feldsher olarǵa balalar aýrýhanasyna barýǵa keńes bergen. Osylaisha basy jarylǵan kámeletke tolmaǵan balany kóshede qaldyryp ketken», - dedi anasy.
Balalardyń qaltasynda artyq qarajat bolmaǵan. Olar úiine jaiaý jetken.
«Úige kelgen soń jedel járdem shaqyrdym. Olar kelip balany №1 balalar statsionaryna alyp ketti. Sol jerde jaraqatyn tigip, aýrýhanaǵa jatqyzdy», - dedi anasy.
Osy máselege bailanysty balanyń anasy politsiiaǵa shaǵymdanǵan.
Qalalyq Jedel járdem stansasynyń baspasóz qyzmetinde bul aqparatty rastady.
«Bul derek boiynsha barlyq derek jinaqtaldy. Búginde feldsherge qatysty tártiptik keńes ótkizildi. Feldsher 2 jyl jumys istep jatyr. Minez qulqy sabyrly. Óz aiybyn moiyndady. Komissiia sheshimine sáikes tártiptik shara qoldanyldy», - dedi jedel járdem qyzmetinen.
