الماتىدا جەدەل جەردەم قىزمەتكەرلەرٸ باسى جارىلعان بالانى دالادا قالدىرىپ كەتكەن. بۇل تۋرالى باق ٶكٸلدەرٸنە اناسى شاعىمدانعان, دەپ حابارلايدى "ۇلت اقپارات".
Facebook قولدانۋشىسى 14 جاستاعى ۇلىنىڭ گوركيي اتىنداعى پاركتە سىرعاناپ جٷرٸپ قۇلاپ قالعانىن جازدى.
«بالا پارككە دوسىمەن بارعان. قاتتى سوققىدان بالا ەسٸنەن تانىپ قالعان», - دەدٸ ول.
وقيعا ورنىنا كەلگەن جەدەل جەردەم بالا مەن ونىڭ دوسىن 12 قالالىق اۋرۋحاناعا الىپ كەتكەن.
اۋرۋحانادا جەدەل جەردەم قىزمەتكەرلەرٸ بالانىڭ تەلەفونىنان جسن نٶمٸرٸن الىپ اۋرۋحانانىڭ اۋلاسىندا قالدىرىپ كەتكەن.
«دوسىنىڭ ايتۋىنشا, ولاردى اۋرۋحانا قابىلداماعان. سەبەبٸ, بالانىڭ جاسى 15-كە تولماعان. فەلدشەر ولارعا بالالار اۋرۋحاناسىنا بارۋعا كەڭەس بەرگەن. وسىلايشا باسى جارىلعان كەمەلەتكە تولماعان بالانى كٶشەدە قالدىرىپ كەتكەن», - دەدٸ اناسى.
بالالاردىڭ قالتاسىندا ارتىق قاراجات بولماعان. ولار ٷيٸنە جاياۋ جەتكەن.
«ٷيگە كەلگەن سوڭ جەدەل جەردەم شاقىردىم. ولار كەلٸپ بالانى №1 بالالار ستاتسيونارىنا الىپ كەتتٸ. سول جەردە جاراقاتىن تٸگٸپ, اۋرۋحاناعا جاتقىزدى», - دەدٸ اناسى.
وسى مەسەلەگە بايلانىستى بالانىڭ اناسى پوليتسيياعا شاعىمدانعان.
قالالىق جەدەل جەردەم ستانساسىنىڭ باسپاسٶز قىزمەتٸندە بۇل اقپاراتتى راستادى.
«بۇل دەرەك بويىنشا بارلىق دەرەك جيناقتالدى. بٷگٸندە فەلدشەرگە قاتىستى تەرتٸپتٸك كەڭەس ٶتكٸزٸلدٸ. فەلدشەر 2 جىل جۇمىس ٸستەپ جاتىر. مٸنەز قۇلقى سابىرلى. ٶز ايىبىن مويىندادى. كوميسسييا شەشٸمٸنە سەيكەس تەرتٸپتٸك شارا قولدانىلدى», - دەدٸ جەدەل جەردەم قىزمەتٸنەن.
