Almatyda Parlament Májilisi depýtattyǵyna úmitkerlerdiń esimderi belgili boldy, dep habarlaidy "Ult aqparat".
Bul týraly búgin «Nur Otan» partiiasy Almaty qalalyq filialynyń alańynda ótken qalalyq partiia konferentsiiasynyń qorytyndysy boiynsha belgili boldy.
Is-sharada pikirsaiys týrniriniń jáne Parlament Májilisine kandidattar úshin daýys berýdiń qorytyndylary boiynsha partiialyq tizim bekitildi. Tizimge 100 delegat sailaǵan 7 qatysýshy endi.
Olardyń arasynda:
1. VI shaqyrylymdaǵy Parlament Májilisiniń depýtaty - Platonov Artýr
2. Almaly aýdandyq partiia filialynyń tóraǵasy, aýdan ákimi – Torǵaev Bekqali
3. «Almaty qalasyndaǵy Nazarbaev ziiatkerlik mektebiniń fizika matematika baǵytyndaǵy DBBU basshysy - Súleimenova Juldyz
4. Almaty qalasy Qoǵamdyq keńesiniń hatshysy, «aqparattyq-resýrstyq ortalyq» QQ direktory - Kóbeeva Altynai
5. «Red Dragon Almaty» JShS Bas direktory - Avershin Konstantin Viktorovich
6. «Jas Otan» JQ qalalyq filialynyń tóraǵasy - Ahmetov Mádi Ablaiuly
7. «AZMK» JShS Bas direktory - Shardinov Shýhrat Ahmetjanuly
Endi bul tulǵalar Nur-Sultan qalasynda ótetin partiiaaralyq sailaýǵa qatysatyn bolady.
Jalpy debatqa 13 adam atsalysty.
Sondai-aq, konferentsiia barysynda qalalyq máslihat depýtattyǵyna 78 adamnan turatyn kandidattardyń partiialyq tizimi bekitildi.
Olardyń qatarynda barlyq áleýmettik jáne kásibi toptardyń ókilderi bar.
Mysaly, №169 mektep-litseiiniń direktory, kópbalaly ana Gúljan Bekenova Qazaqstannyń pedagogtaryn, kóp balaly otbasylary men balalaryn qoldaýdy maqsat tutyp otyr. Taǵy bir qatysýshy – «Daco motors KZ» JShS direktory Nurymbek Taý pandemiia kezinde halyqtyń áleýmettik osal toptaryna eleýli qoldaý kórsetti. 20 jastaǵy shahmatshy, halyqaralyq sheber jáne áielder arasyndaǵy grossmeister Jansaia Ábdimálik ta praimerizdiń eń jas qatysýshysy bolyp partiialyq tizimge endi.
Sondai-aq, tizim qatarynda qalany qoldaýǵa jáne damytýǵa baǵyttalǵan túrli áleýmettik jobalardyń qatysýshysy Maksim Finogenov bar. Onyń sailaýaldy tuǵyrnamasynda basty nazar - otandyq óndiristi damytý jáne jumys oryndaryn ashý. Megapolistegi zoobaqtyń meńgerýshisi Áigerim Jaqsylyqtyń maqsaty - veterinariia salasyndaǵy ózekti máselelerdi sheshý.
Kardiohirýrg Almat Kodasbaev meditsina salasyndaǵy máselelerdi, meditsina qyzmetkerleriniń mártebesin kóterýdi maqsat etip otyr. Belgili bloger Meiirjan Tórebaev jáne taǵy basqalar da tizimge endi.
Jalpy kandidattar qataryna 27 áiel (35%) jáne 35 jasqa deiingi 15 jas (20%) kirdi.
Budan basqa, shaǵyn jáne orta biznes sýbektileri men ÚEU ókilderiniń sany boiynsha Almatynyń kóshbasshylyǵyn eskere otyryp, tizimdegi kandidattardyń 50%-ǵa jýyǵy biznes-qurylymdar men úkimettik emes uiymdardyń ókilderi boldy.
Is-shara aiasynda qalany damytýdyń 12 draiverinen turatyn jáne Elbasynyń «Almaty 2050» damý strategiiasyna negizdelgen «Nur Otan» sailaýaldy baǵdarlamasy bekitildi.
Partiialyq konferentsiia barlyq sanitarlyq-epidemiologiialyq talaptardy saqtai otyryp, aýdan delegattary úshin ZOOM arqyly onlain transliatsiialaý arqyly ótkizilgenin atap ótken jón.
Konferentsiia «Nur Otan» partiiasynyń Almaty qalalyq filialymen praimerizdi ótkizýdiń sońǵy kezeńin aiaqtady.
Esterińizge sala keteiik, buǵan deiin Almatydaǵy praimerizge 200-ge jýyq kandidat qatysqan bolatyn, onyń ishinde 54 qatysýshy – jańa úmitker. Bul - jaqsy nátije, sebebi praimeriz bastapqyda «Nur Otan» kadrlaryn jańartýdy kózdegen bolatyn.
