Almaty qalasynyń Almaly aýdany ákiminiń orynbasary Erden Hairýllin onlain brifing barysynda monitoring toptarynyń jumysy týraly aityp berdi, dep habarlaidy "Ult aqparat".
Onyń aitýynsha, aýdandaǵy saýda nysandaryndaǵy sanitarlyq talaptardy tekserý boiynsha qurylǵan tórt monitoring top kúsheitilgen rejimde jumys istep jatyr.
«Qazan aiynyń 8-i men qarashanyń 9-y aralyǵynda Almaly aýdanynda 675 nysan tekserilgen. Nátijesinde 189 jeke tulǵa №425 bappen jaýapqa tartyldy. Taǵy 45 nysanǵa ákimshilik aiyppul salyndy. Búgingi tańda 8 nysan 2,5 mln teńge tóledi», - deidi ol.
Sonymen qatar , 6 qarashadan 7-shi qarashaǵa qaraǵan túni 4 aýdannyń (Naýryzbai, Alataý, Túrksib, Almaly) 13 monitoring toby túngi ýaqytta óz qyzmetin júzege asyratyn 58 nysanǵa tekserý júrgizdi.
10 nysanda buzýshylyqtar anyqtaldy, materialdar QR ÁQBtK-niń 425-babyna sáikes odan ári jaýapkershilikke tartý úshin Almaly aýdandyq sanitarlyq-epidemiologiialyq baqylaý basqarmasyna jiberildi.
1. «Red Dragon» dámhanasy, (Gogol k. 87);
2. «Arena» kompiýterlik klýby (Gogol k. 58);
3. «Bingo» loto klýby (Masanshy k. 61);
4. «Aýra» kompiýterlik klýby (Qashqar k. 69);
5. «Bingo» loto klýby (Seifýllin k. 519);
6. «Loto Club» (Abai d. 143);
7. «Pirat» dámhanasy-jumys rejimin buzý (Tóle bi k. 207a);
8. «Blek» kafe-bary (Nazarbaev d. 57);
9. «Grand-opera» qonaq úii (Qabanbai batyr, 136/1);
10. «Aragosta» dámhanasy (Jambyl k. 129).
«Almaty jáne aýdanymyzdyń turǵyndaryna maska kiip, qoǵamdyq kólikte áleýmettik qashyqtyqty saqtap, adamdar jappai jinalatyn oryndarǵa barmaýǵa keńes berer edim. Úlken kisilerge óz úilerińizden shyqpańyzdar, kóshede júrýdi shekteý qajet degim keledi», — dedi E. Hairýllin.
