Almatyda maska shyǵaratyn 6 otandyq óndirýshi paida boldy. Bul týraly onlain brifing barysynda Almaty qalasy ákimdiginiń dárilik preparattarmen qamtamasyz etý jónindegi úilestirýshisi Zańǵar Sálimbaev aitty, dep habarlaidy "Ult aqparat".
«Ózderińiz bilesizder, kóktemde maskaǵa suranys joǵary boldy. Osyǵan orai, Almaty qalasynda qosymsha maska shyǵaratyn iri alty otandyq óndirýshi paida boldy. Olardyń kúndelikti 882 myń maska shyǵarýǵa múmkindigi bar. Sonymen qatar qazir qoimada 20 mln meditsinalyq masqa saqtaýly. «SK Farmatsiia» JShS qyrkúiek aiynda qosymsha 10 mln maska satyp aldy. Qajet bolǵan jaǵdaida interventsiia úshin qoldanylady»,– deidi Zańǵar Sálimbaev.
Qaladaǵy 867 dárihananyń 95 paiyzy maskamen qamtamasyz etilgen.
«Dárihanalarǵa kúndelikti monitoring júrgiziledi. Barlyǵynda maska jetkilikti. Buǵan qosa, Almaty qalasynyń meditsinalyq uiymdarynda 1,6 mln jeke qorǵaný quraly bar. Jaqynda 2,7 mln astam qural jetkiziledi. Bul másele ákimdiktiń qatań baqylaýynda»,– dep qosty spiker.
