الماتىدا ماسكا شىعاراتىن 6 وتاندىق ٶندٸرۋشٸ پايدا بولدى. بۇل تۋرالى ونلاين بريفينگ بارىسىندا الماتى قالاسى ەكٸمدٸگٸنٸڭ دەرٸلٸك پرەپاراتتارمەن قامتاماسىز ەتۋ جٶنٸندەگٸ ٷيلەستٸرۋشٸسٸ زاڭعار سەلٸمباەۆ ايتتى, دەپ حابارلايدى "ۇلت اقپارات".
«ٶزدەرٸڭٸز بٸلەسٸزدەر, كٶكتەمدە ماسكاعا سۇرانىس جوعارى بولدى. وسىعان وراي, الماتى قالاسىندا قوسىمشا ماسكا شىعاراتىن ٸرٸ التى وتاندىق ٶندٸرۋشٸ پايدا بولدى. ولاردىڭ كٷندەلٸكتٸ 882 مىڭ ماسكا شىعارۋعا مٷمكٸندٸگٸ بار. سونىمەن قاتار قازٸر قويمادا 20 ملن مەديتسينالىق ماسقا ساقتاۋلى. «سك فارماتسييا» جشس قىركٷيەك ايىندا قوسىمشا 10 ملن ماسكا ساتىپ الدى. قاجەت بولعان جاعدايدا ينتەرۆەنتسييا ٷشٸن قولدانىلادى»,– دەيدٸ زاڭعار سەلٸمباەۆ.
قالاداعى 867 دەرٸحانانىڭ 95 پايىزى ماسكامەن قامتاماسىز ەتٸلگەن.
«دەرٸحانالارعا كٷندەلٸكتٸ مونيتورينگ جٷرگٸزٸلەدٸ. بارلىعىندا ماسكا جەتكٸلٸكتٸ. بۇعان قوسا, الماتى قالاسىنىڭ مەديتسينالىق ۇيىمدارىندا 1,6 ملن جەكە قورعانۋ قۇرالى بار. جاقىندا 2,7 ملن استام قۇرال جەتكٸزٸلەدٸ. بۇل مەسەلە ەكٸمدٸكتٸڭ قاتاڭ باقىلاۋىندا»,– دەپ قوستى سپيكەر.
