Almatyda mas júgizýshi jappai jol apatyna sebepshi boldy, - dep habarlaidy Tengrinews.kz.
Áleýmettik jelide Almaty kósheleriniń birinde bolǵan jol apatynyń videosy paida boldy. Jazba sipattamasynda Ál-Farabi dańǵyly men Sadyqov kóshesi mańynda mas júrgizýshiniń kinásinen bes kólik soqtyǵysqany jazylǵan.
Almaty politsiiasy bul aqparatty rastady. 28 naýryzda Toyota Highlander kóliginiń mas kúidegi júrgizýshisi batys baǵytta Sain kóshesinde kele jatyp, araqashyqtyqty saqtamai Toyota Corolla kóligimen soqtyǵysqan.
"Soqtyǵystan keiin Toyota Highlander avtokóligi Skoda markaly avtokólikke soqtyǵysty. Al Toyota Corolla avtokóligi inertsiia boiynsha Kia Rio kóligin qaǵyp ketti. Jol-kólik oqiǵasy saldarynan jolaýshy jaraqat aldy", - dedi Almaty qalasy PD anyqtaý basqarmasynyń bastyǵy politsiia podpolkovnigi Oljas Sháripov.
Mas júrgizýshi Bostandyq aýdandyq politsiiasyna jetkizildi.
