Kólik politsiiasy Iordaniia azamatyn Almaty-Sharja reisinen shyǵardy, dep habarlaidy "Ult aqparat" kóliktik politsiia departamentiniń baspasóz qyzmetine silteme jasap.
«Almaty áýejaiyndaǵy politsiianyń jelilik bólimine «Eir Arabiia» áýekompaniiasynyń ókilinen Almaty-Shardja reisinen quqyq buzýshy anyqtalǵany týraly habarlama tústi. Tekserý kezinde kólik politsiiasy 30 jastaǵy Iordaniia azamatyn anyqtady. Ol ushaqtan túsirildi», - dep habarlady departamenttiń baspasóz qyzmeti.
Meditsinalyq tekserýdiń qorytyndysyna sáikes, jolaýshy mas bolǵan.
«Jolaýshyǵa qatysty Qazaqstan Respýblikasynyń Ákimshilik quqyq buzýshylyq týraly kodeksiniń 440-baby 1-bóligine sáikes, ákimshilik hattama toltyryldy. Oǵan 5 AEK kóleminde aiyppul salyndy.
Aita keteiik, jyl basynan beri elimizdiń kólik politsiiasy 27 760 azamatty ákimshilik jaýapqa tartty, onyń ishinde 2847 adam ishimdik iship, qoǵamdyq oryndarda mas kúiinde bolǵan.
