Almatyda mas er adam taksi júrgizýshisine eki ret pyshaq saldy, dep habarlaidy "Ult aqparat".
Oqiǵa 12 qańtarda bolǵan. Zardap shekken taksist - 33 jastaǵy azamat Shuǵyla yqshamaýdanyndaǵy turǵyn úi keshenderiniń birine eki balasy bar otbasyn apara jatqan. Jolaýshylar kólikten túse bastaǵanda júrgizýshi balalardyń biri salonǵa qusqanyn baiqap, ony jýý úshin qosymsha aqy suraǵan.
«Osydan keiin júrgizýshi men jolaýshy arasynda janjal shyǵady. Mas er adam áieli men balalaryn úige kirgizip, aqsha alyp shyǵatynyn aitqan. Kepilge ol uialy telefonyn qaldyryp ketken. 5-7 minýttan soń álgi azamat qaita oralyp, taksi júrgizýshisine pyshaqpen eki ret soqqy jasaǵan. Sol qolynyń shyntaǵy men ishine suǵyp alǵan», - dep habralaidy Almaty qalalyq PD baspasóz qyzmeti.
Dál sol kúni osy derekke qatysty Naýryzbai aýdandyq politsiia basqarmasy sotqa deiingi tergeý sharalaryn bastady.
Atalǵan fakti boiynsha 31 jastaǵy kúdikti ustaldy.
