الماتىدا ماس ەر ادام تاكسي جٷرگٸزۋشٸسٸنە ەكٸ رەت پىشاق سالدى, دەپ حابارلايدى "ۇلت اقپارات".
وقيعا 12 قاڭتاردا بولعان. زارداپ شەككەن تاكسيست - 33 جاستاعى ازامات شۇعىلا ىقشاماۋدانىنداعى تۇرعىن ٷي كەشەندەرٸنٸڭ بٸرٸنە ەكٸ بالاسى بار وتباسىن اپارا جاتقان. جولاۋشىلار كٶلٸكتەن تٷسە باستاعاندا جٷرگٸزۋشٸ بالالاردىڭ بٸرٸ سالونعا قۇسقانىن بايقاپ, ونى جۋۋ ٷشٸن قوسىمشا اقى سۇراعان.
«وسىدان كەيٸن جٷرگٸزۋشٸ مەن جولاۋشى اراسىندا جانجال شىعادى. ماس ەر ادام ەيەلٸ مەن بالالارىن ٷيگە كٸرگٸزٸپ, اقشا الىپ شىعاتىنىن ايتقان. كەپٸلگە ول ۇيالى تەلەفونىن قالدىرىپ كەتكەن. 5-7 مينۋتتان سوڭ ەلگٸ ازامات قايتا ورالىپ, تاكسي جٷرگٸزۋشٸسٸنە پىشاقپەن ەكٸ رەت سوققى جاساعان. سول قولىنىڭ شىنتاعى مەن ٸشٸنە سۇعىپ العان», - دەپ حابرالايدى الماتى قالالىق پد باسپاسٶز قىزمەتٸ.
دەل سول كٷنٸ وسى دەرەككە قاتىستى ناۋرىزباي اۋداندىق پوليتسييا باسقارماسى سوتقا دەيٸنگٸ تەرگەۋ شارالارىن باستادى.
اتالعان فاكتٸ بويىنشا 31 جاستاعى كٷدٸكتٸ ۇستالدى.
