Biylǵy jyldyń 9 aiynda Meditsinalyq saqtandyrý qory almatylyqtarǵa saqtandyrý paketi sheńberinde kórsetilgen qyzmetter úshin 37 mlrd teńgege jýyq qarjy tóledi. Bul týraly onlain brifing barysynda Almaty qalasy «Áleýmettik meditsinalyq saqtandyrý qory» KEAQ filialynyń direktory Tileýhan Ábildaev aitty, dep habarlaidy "Ult aqparat".
Filial direktorynyń aitýynsha, onyń basym bóligi statsionarda kórsetilgen meditsinalyq qyzmetterge tiesili – 19,4 mlrd teńge.
«Mindetti áleýmettik meditsinalyq saqtandyrý júiesi engizilgennen beri 9 aidyń qorytyndysy boiynsha meditsinalyq qyzmetter kóleminiń ulǵaiǵanyn baiqaýǵa bolady. Mysaly, buǵan deiin halyqtyń qaltasy kótere bermeitin qymbat diagnostika men operatsiialar endi meditsinalyq saqtandyrý qory arqyly qol jetimdi boldy», - dep atap ótti Tileýhan Ábildaev.
Sonymen qatar, ol 6,5 mlrd teńge KT/MRT syndy taǵy da basqa konsýltativtik-diagnostikalyq qyzmet túrlerine tólengenin jetkizdi.
«Sondai– aq, 5,9 mlrd teńge joǵary tehnologiialardyń kómegimen jasalatyn meditsinalyq qyzmetterge, 2,2 mlrd tenge statsionardy almastyratyn kómekke jumsaldy.Qalǵan qarjy profilaktikalyq tekserýlerge, meditsinalyq reabilitatsiia jáne qalpyna keltirýge baǵyttalǵan em-dom úshin tólendi», – dedi ol.
