بيىلعى جىلدىڭ 9 ايىندا مەديتسينالىق ساقتاندىرۋ قورى الماتىلىقتارعا ساقتاندىرۋ پاكەتٸ شەڭبەرٸندە كٶرسەتٸلگەن قىزمەتتەر ٷشٸن 37 ملرد تەڭگەگە جۋىق قارجى تٶلەدٸ. بۇل تۋرالى ونلاين بريفينگ بارىسىندا الماتى قالاسى «ەلەۋمەتتٸك مەديتسينالىق ساقتاندىرۋ قورى» كەاق فيليالىنىڭ ديرەكتورى تٸلەۋحان ەبٸلداەۆ ايتتى, دەپ حابارلايدى "ۇلت اقپارات".
فيليال ديرەكتورىنىڭ ايتۋىنشا, ونىڭ باسىم بٶلٸگٸ ستاتسيوناردا كٶرسەتٸلگەن مەديتسينالىق قىزمەتتەرگە تيەسٸلٸ – 19,4 ملرد تەڭگە.
«مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ ەنگٸزٸلگەننەن بەرٸ 9 ايدىڭ قورىتىندىسى بويىنشا مەديتسينالىق قىزمەتتەر كٶلەمٸنٸڭ ۇلعايعانىن بايقاۋعا بولادى. مىسالى, بۇعان دەيٸن حالىقتىڭ قالتاسى كٶتەرە بەرمەيتٸن قىمبات دياگنوستيكا مەن وپەراتسييالار ەندٸ مەديتسينالىق ساقتاندىرۋ قورى ارقىلى قول جەتٸمدٸ بولدى», - دەپ اتاپ ٶتتٸ تٸلەۋحان ەبٸلداەۆ.
سونىمەن قاتار, ول 6,5 ملرد تەڭگە كت/مرت سىندى تاعى دا باسقا كونسۋلتاتيۆتٸك-دياگنوستيكالىق قىزمەت تٷرلەرٸنە تٶلەنگەنٸن جەتكٸزدٸ.
«سونداي– اق, 5,9 ملرد تەڭگە جوعارى تەحنولوگييالاردىڭ كٶمەگٸمەن جاسالاتىن مەديتسينالىق قىزمەتتەرگە, 2,2 ملرد تەنگە ستاتسيوناردى الماستىراتىن كٶمەككە جۇمسالدى.قالعان قارجى پروفيلاكتيكالىق تەكسەرۋلەرگە, مەديتسينالىق رەابيليتاتسييا جەنە قالپىنا كەلتٸرۋگە باعىتتالعان ەم-دوم ٷشٸن تٶلەندٸ», – دەدٸ ول.
